معاني كلمات مايكل جاكسون بشكل بسيط

[[center]b]السلام عليكلم و رحمته الله و بركاته
اليوم انا يايبتلكم معاني كلمات بعض اغاني مايكل جاكسون
اتمنى انكم تستمتعون فيها

المهم نبدأ في البوم1982 THRILLER
اول اغنيه:

Beat It
هذي الاغنيه تتكلم عن المشاكل بين الناس وان في وقت المشاكل محد يهتم مين الغلط ومين الصح كل اللي يهمهم انهم يثبتون قوتهم قدام الناس
و مايكل يقول قصه ناس معينين ويقول لاحدهم يمكن (يظربونك) فعليك ان تبتعد ... وان لا يهتم بكلام الناس عنه اذا ابتعد عن المشاكل

الاغنيه الثانيه :
Billie Jean
هذي من احلى الاغاني بنسبه لي واعتقد للجميع
هذي الاغنيه عباره عن قصه صارت مع مايكل
ان حب وحده حلوه وانها مثل كانت تخدعه وتقوله ان هو احسن واحد بنسبه لها وان الناس دايما كانو يحذرونه منها او من مشاكل الحب بشكل عام... ونهاية القصه اتهمته ان هو ابو ولدها

The Girl Is Mine
هذي الاغنيه واظحه طبعا
ان مايكل و بول يظلون يتنافسون على بنت لآخر لغنيه وكل واحد يقول ان البنت تحبه بشكل وانهم يحبونها لدرجه الجنون


Thriller
هذي الاغنيه مايكل يخوفك فيها ويقول الاشياء اللي تخوف الانسان والاشياء اللي يتوهمها اذا كان خايف وكيف يتصرف في حالت خوفه(يقصد الخوف من الاشباح)


Wanna Be Startin' Somethin'
هذي الاغنيه عباره عن دردشه خفيفه
يتكلم مايكل عن صغيرته وانها تبكي وان في احد يحاول يبكيها ومن هل الكلام وكيف الحال معاه ومع صغيرته وايش تكون الظروف مع صغيرته
وفي بعد في بعض الكلام الخفيف

.................................................. .................................................. ............

البوم 1987 BAD
الاغنيه الاولى
Another Part Of Me
هذي الاغنيه تحمل معاني انسانيه وان الناس كلهم مثل بعض وان كلنا من كوكب واحد ما نختلف عن بعض (وعلى قولت مايكل انت جزء مني)
واعتقد ان يكلم واحد معين (لانه يقول قم بالصواب .... نحن نرسل لك حبا كبيرا) لكن اعتقد ان مافي احد معين يكلمه يقصد الكل

الاغنيه الثانيه:
I Just Can't Stop Loving You
عباره عن دوتي بين مايكل ووحده
يحبون بعض وان حياته كلها هي وان حياته ما تسوه من غيرها ومن هل الكلام وهي ترد عليه بنفس الاحساس

الاغنيه الثالثه:
Liberian Girl
مايكل يتكلم عن حب بنت
يحبها وان ينتظر اللحظه اللي يصارحون بعض بالحب اللي بينهم وان راح يكون سعيد اذا صارحو مع بعض ويقعد يتغزل فيها و يتكللم عن التغيرات اللي عملتها بحياته

الاغنيه الثالثه:
Smooth Criminal
هذي الاغنيه عباره عن قصه وان في مجرم محتارين اذا كان ذبح وحده يعرفونها وان طول لغنيه يكلمونها ويبغونها تقولهم انها في خير (بس اعتقد ان لغنيه تعني انها ماتت)

الاغنيه الرابعه:
Man In The Mirror
هذي الاغنيه من الاغاني الانسانيه ومايكل يقصد فيها ان يعالج العالم وعدم الانانيه والتفكير بالجميع
وهو يقصد في :Man In The Mirror الرجل في المرآت ...بمعناته :
ان قبل ما يفكر يقول لحد تغير الى الاحسن يتغير هو قبل ويشوف نفسه في المرآت ويصحح اخطاءه
اذا الكل راى في المرآت وشاف اخطاءه وصلحها العالم كله راح يصير في سلام

.................................................. .................................................. ............
البوم 1991 DANGEROUS
اول اغنيه :
Black Or White
اغنيه تتكلم عن المساوات وان الناس كلهم مثل بعض ابيض او اسود ما تفرق معاه
وان اذا كنت تبي تصير اخو او حبيب او حبيبه لمايكل ما راح يهمه اذا كنت ابيض او اسود

الاغنيه الثانيه :
Heal The World
اغنيه حلوه ومعناها احلى
تحث على علاج العالم ونخليه مكان افضل لي ولك وللاطفال ولجميع الجنس البشري وان نوقف الحروب ونعيش حياة جديده بلا مصايب

الاغنيه الثالثه :
Remember The Time
اغنيه حب مايكل يذكر فيها حبيبته بليام الحلوه اللي عاشوها في شبابهم ويبيها تتذكر كل شي وان الذكريات هذي عزيزه عليه وما راح ينساها

الاغنيه الرابعه :
Who Is It
هذي الاغنيه اللي تخليك تبكي
ان مايكل كان يحب وحده بشكل اكثر من جنون وعطاها مال واحساس وكل شي ممكن تلاقاه في القلب وفي النهايه تركته ومايكل جن في اسباب تركها له وظل يفكر ويعتقد انها خانته مع واحد ثاني وطول الوقت يفكر من هو اللي خانته في

الاغنيه الخامسه:
Will You Be There
هذي الاغنيه تتكلم عن الصداقه وحاجت الانسان لها وان يتمنه ان صديقه يكون له مخلص ويحبه لدرجه جنونيه و يستحمله في لحظات فرحه وتوتره وندمه وحزنه ...الخ


البوم1995 HISTORY
هذا الالبوم مايكل كثر في الكلام عن القضيه اللي في 1993
اول اغنيه:
Childhood
يتكلم عن طفولته اللي ما عاشها وان يحاول يعوض طفولته بس الناس ما تفهمه وتشوفه انسان غريب وهو يتمنى ان قبل ما يحكمون عليه يشوفون طفولته وقدرونه ويقدرون الظروف المؤلمه اللي عاشها في صغره بدل ما يعيش طفولته

الاغنيه الثانيه :
Earth Song
يتكلم عن اخطاء الانسان اللي يرتكبها بنفسه واللي قاعد تدمر الحياة ويتكلم عن الحروب وموت الاطفال ومتى راح توقفون الحروب ومن هل الكلام

الاغنيه الثالثه:
They Don't Care About Us
يتكلم عن الحكومه بشكل عام وعن قضيته في 93 بشكل خاص
ويقول انهم يهنونه ويطيحون من كبرياءه و ينتقد اللي في القضيه واللي ينشرو عنه الاخبار السيءه في نشره الاخبار ومن هل الكلام(بس الاغنية حلوة وكلماتها معبرة)

الاغنيه الرابعه:
You Are Not Alone
يتكلم عن وحده يحبها وان يحس بالوحده بدونها ودايما يفكر كيف راحت وايش اسباب رحيلها وان يتهياله سماع صوتها ومن هل الكلام

الاغنيه الخامسه :
Scream
دويتو بينه وبين اخته و يتكلمون عن القضيه والفضائح ومما شابه
وان الحياة صارت تدعوه الى الصراخ وان صار ما يحب يشوف التلفزيون من كثر السخافات اللي تطلع فيه (فضائحه المبتكره)
.................................................. .................................................. ...

البوم1997 Blood On The Dance Floor
اول اغنيه :
Blood On The Dance Floor
تتكلم عن وحده كانت تحبه وان كل شي كان في صالحه فجأه انقلبت عليه وأرادت دبحه وهو يحاول يهرب من الموقف

الاغنيه الثالثه :
Ghosts
يتكلم عن واحد آداه وغير كثير إشياء في حياته وآذ افراد اسرته واللي يعرفهم ويوصفه بشبح النحس

:م122:[/b]